Nangapodan an Philippine National Police (PNP) na ipaubaya na sa sainda asin mga imbwelto na ahensiya an pagresolbar dapit sa isyu kan mahewasang balasahan sa laog kan organisasyon.
Sa sarong pulong balitaan kasubagong aga sa Kampo Krame, inihayag ni PNP Chief PGen. Nicolas Torre III na alagad maski nagluwas na sa publiko an mga nagin isyu na kinahahampang kan Pambansang Pulisya dapit sa mga nagin rigodon na ginibo sa nagkapirang mga pwesto an mawot kan hepe na dae na magtao pa nin ibang detalye dapit digde.
Alagad maski na nagtao pa nin hararom na detalyes an hepe dapit sa nasambitan ng ulayan, nagtitinir na kumpiyansa an hepe na an isyu an naresolbaran na sa paagi kan saindang opisina asin kan National Police Commission (NAPOLCOM).
Ini an nagsairarom na sa dayalogo asin pigkonsiderar nang saradong cycle an isyu asin pigsierto na dagos sana sa paghampang sa mga masunod pang ulayan sa trabaho an saindang opisina makalihis kaini.
Dugang pa ni Torre, nagtutubod ini komo mga nagtatao asin nagtatrabaho tanganing makapaghatod nin serbisyo publiko, saro sana an saindang mga obehto asin ini an mamantinir an kaayusan asin kamarayan kan publiko.
Mientrastanto, nenot na man digde, sa nagin flag ceremony na iyong pinangenotan ni Torre, nagpasalamat ini sa kabuhan kan pulisya sa pagsuporta asin pagtindog sa saiyang mga nagin direktiba.
Inihayag man ni Torre na an saindang pagtindog an dae sana nagpapahiling nin suporta kundi saro mang matapang na paninindugang mayong anumang kasuguan o huma an makakabuwag sa pagkasararo kan Pambansang Pulisya.
