Temporaryong pigbawal kan Department of Agriculture (DA) an paglaog kan mga pig-aangkat na poultry gikan sa France huli sa huma kan bird flu sa nasyon sa Europa.
Tanganing ipaotob tolos, an Memorandum Order No. 40 na may petsang Setyembre 27, 2024, tanganing maprotehiran an lokal na populasyon nin manok asin mga konsumidor na Pilipino sa mga epekto kan highly pathogenic avian influenza (HPAI).
Kasado an moratorium sa domestic asin wild birds asin mga produkto ini, kabali digdi an poultry meat, day-old chicks, asin mga sugok asin semilya kan poultry gikan sa France.
An DA ma-intercept asin makumpiskar kan gabos na kargamento nin manok, apwera sa mga produktong heat-treated, sa gabos na mayor na pantalan nin paglaog.
An pagbabawal dai sakop an mga kargamento gikan sa France na yaon sa transit, kinarga o naresibe sa mga pantalan antes an opisyal na komunikasyon kan pagboot, basta an mga produktong manok binuno o ginibo antes o kan aldaw nin Hulyo 25.
