NAGA CITY- Pigtawan duon kan sarong Regional Sports Officer kan Deped Bicol na gabos na dibisyon an igwang representate sa isasagibong Palarong Pambansa 2025.
Sa entrevista kan Bombo Radyo Naga ki Franciso Dexter Sison, Regional Regional Sports Officer kan Deped Bicol, sinaysay kaini na makalihis an matrayumpong pagkundusir kan Palarong Bicol 2025 nangenot man an Albay Division na iyo an nag-champion, pigsundan kan Naga City, CamNorte, CamSur asin kan Legazpi.
An mga nasambitan ng mga dibisyon an nangibabaw sa nasambitan ng torneo alagad piglinaw man kan opisyal na well represented an gabos na division para sa Palarong Pambansa.
Katakod kaini, sa maabot na Abril 15 gabos na dibisyon an piglalaoman na mapuon kan saindang training sa mga atleta na gigibuhon sa mga kanya-kanyang dibisyon. Mantang sa Mayo 13 mapuon naman an Regional Sports Concentration Training sa Albay.
Sa presente, pigtatawan nin pagkakataon an mga atleta na nagsabak sa Palarong Bicol asin sa nag-qualify sa Palarong Pambansa na mapakarhay an saindang mga kaipuhan sa pagklase siring na sana kan paghabol sa mga lesson na pigtutukdo.
Sa ngunyan, pigsierto na sana ni Sison na padagos an saindang ginigibong preparasyon tanganing magin matrayumpo man an pagsabak sa Palarong Pambansa.
