Maduon na ipighayag ni dating Chief Justice Maria Lourdes Sereno an saiyang matinding pagtutol sa prosopwestong ley na Adolescent Pregnancy Prevention Bill na magtutukdo kan Comprehensive Sexuality Education sa mga kaakian.
Ipigheras mismo kan dating pamayong mahistrado na an siring na klase kan edukasyon o pagtutukdo sa loag kan eskwelahan an madara sana nin kadakol na epekto bako sana sa mga matutukduna pati na man sa komunidad.
Sigun sa saiya, masyado soboot kayang right-based an nasambitan ng programa na mag-eexpose sa sarong aki na amay napagkamulat sa posibleng pagkuwestiyon kaini sa pagtutubod kan sarong pamilya.
Dugang pa digde, nabanggit man kan nasambitan ng dating chief justice na pigroromdom kaini an pagtataong kamalayan sa mga kaakian na magdesisyon kun nuarin, kiisay asin kun pano kaini mawot magsagibo kan sarong sexual activity.
Huli digde, pigtawan duon ni dating chief justice Maria Lourdes Sereno an posibilidad sa pagkakaigwa nin pagbabago sa magigin sitwasyon o nin relasyon sa tahaw kan magurang asin saindang mga aki.
Pigkahaditan kaya kaini na baka soboot magkaigwa man nin dae pagkakaintindihan sa piglalaoman na pagtatanon kan ugaling daeng data kan sarong aki sa saiyang pamilya kun ipadagos pa an prosopwestong ley na ini.
