Nagtutubod an Philippine Sports Commission (PSC) na saindang matatapos sa pigtalaan na panahon an pagpapakarhay kan Rizal Memorial Sports Complex para sa hosting kan nasyon sa makasaysayang Philippine Women’s Open.
Sigun sa PSC na dagos-dagos an ginigibo nindang pagpapakarhay sa mga tennis court para sa torneo na mapuon sa Enero 26 hasta 21, 2026.
Sa tabang naman kan Department of Public Works and Highways (DPWH), nakasentro an trabaho sa pag-upgrade kan mga tennis courts asin nagkapirang mga pasilidad.
Sa nasambitan ng paagi, pokus kan PSC an saindang strategic goals para sa kapakanan kan mga atleta asin tanganing mapakusog an sports tourism sa nasyon sa paagi kan pagkakaigwa nin makabagong pasilidad.
An Philippine Women’s Open an sarong hard court tournament na haros kasaby kan Australian Open na mapuon man sa Enero 18 hasta Pebrero 1, 2026.
Alagad maski mayo pang pigluluwas an Women’s Tennis Association (WTA) na mga parakawat an gagamiton ninda an tolo sa pitong mga playing courts kan Rizal Memorial Tennis Center.
Dae man malinaw kun enkaso makakapagkawat si Pinay tennis star Alex Eala huli ta madepende pa man ini sa laban sa Australian Open.
