Liwat na nagdakol an numero nin kaso kan Human Immunodeficiency Virus (HIV) sa Quezon City, na igwang 421 na bagong kaso gikan Enero hasta Mayo sa presenteng taon kumparar na kun saen naglangkaw nin 7.7% kumparar man sa parehas na panahon kan 2024.
Susog sa pahayag kan lokal na gobyerno, gikan sa ‘Young Key Population’ o mga kabataang nag eedad sa 15-24 anyos na kun saen 35 porsyento (149) sa mga ini an pigtalaan, asin 40 porsyento sa inda an mga estudyante.
Sigun ki Quezon City Mayor Joy Belmonte, padagos an suporta kan lokal na gobyerno sa mga pasyente, kabali na an libreng bulong na pwedeng makua sa mga social hygiene clinic sa syudad.
Magpuon Enero hasta Mayo 2025, nasa 21,000 katawo an nagpa-HIV test, na mas dakol sa 16.7% kumparar kan taong 2024.
Komo aksyon sa padagos na pagdakol kan mga kaso, palalawigon pa nin Quezon City an mga clinics na nagaalok nin libreng serbisyo siring kan HIV testing, Pre-Exposure Prophylaxis (PrEP), Post-Exposure Prophylaxis (PEP), Antiretroviral Therapy (ART), asin iba pang serbisyo na may koneksyon sa sexual health.
Mientrastanto may programa man an Klinika Eastwood na inaapod na “Drive, Park, and Test,” kun sain pwede nang magpa-test an mga kliyente mantang mga nasa lunadan, na nagtatao nin komportable asin pribadong paagi para sa HIV testing.
