Nagsagibo an Philippine Coast Guard (PCG) nin rehabilitasyon sa coral reef sa Pag-asa Island asin Kalayaan Island Group.
Ini an parte kan nagpapadagos na inisyatiba kan gobierno tanganing proteheran asin pangatamanan an maritime environment sa West Philippine Sea.
Sigun sa PCG, obheto kan misyon na liwat buhayon an mga bahura sa lugar na importante sa marine biodiversity kan rehiyon asin maproteheran an kadagatan.
Pinangenotan kan PCG Marine Science Group an nasambitan ng misyon sa pakikipagtabangan kan Palawan Council for Sustainable Development and marine scientists gikan sa Western Philippines University – Puerto Princesa Campus.
Digdi, pigsagibo an pagtukoy sa coral fragment, handling asin replanting procedures asin pag-assist sa biodiversity assessments asin underwater surveys.
An rehabilitasyon sa coral reef sa nasambitan ng kadagatan an isinagibo katakod sa direktiba ni Presidente Ferdinand Marcos Jr. tanganing proteheran asin buhayon an nagluluyang ecosystems sa WPS.
Marurumdoman, naenot ng pig-akusaran kan PCG an China kan pag-aapon nin mga durog asin gadan na corals sa pirang maritime feature kan WPS asin pigpatanid na pwedeng paggikanan ini sa posibleng reclamation activities kan higanteng nasyon.
