NAGA CITY- Pigkundusir an roadshow on capital formation for MSMEs and start ups sa sarong hotel sa syudad nin Naga.
Sa entrevista kan Bombo Radyo Naga ki Atty. Oliver Leonardo, Director Markets and Securities Regulation Department and Exchange Comission, sinaysay kaini na ini na an ikaanom na leg kan nasambitan ng event.
An obheto man soboot kaini an tanganing matabangan an mga sararadit na negosyante na mas orog na palaguon an saindang mga negosyo.
Dugang pa ni Leonardo, bukas man an event baku sana sa mga business owners kundi magin para sa mga nagbabalak pa sana na magnegosyo.
Apwera pa digdi, obheto man ninda na matukduan an mga constituents tanganing igwa sinda nin manudan orog na ta baad na-i scam na sinda sa mga illegitimate type of investments.
Igwa man soboot sinda nin mga pig-ooffer sa mga investments sa mga shares kan kompanya. Pagirumdom man kan opisyal sa gabos na magin malikay sa scam orog na ta kadakol an naglalakop na siring kaini orog na sa social media.
An mga nag-ooperate soboot kan arog kaini an baku sanang dapat na nakarehistro sa securities and exchange commission komo sarong korporasyon.
Pagirumdom na sana man kan opisyal sa gabos na enkaso igwa nin kinakahampang na problema dae magsuko asin magpadagos sana.
Importante man na aramon kun ano an negosyo na akma sa hilig kan magmamanehar kaini tanganing masierto na yaon an pag-eenjoy sa saindang mga piggigibo.
