Pigkumpirmar kan Philippine Coast Guard (PCG) na nanutaran nakalutang an rocket debris na may marka kan watawat kan China sa may baybayin kan Pangutaran, Sulu.
Susog sa sarong statement ngunyan na Sabado, Enero 3, pigreport kan PCG na pighatak kan lokal na parasira an nasambitan na rocket debris harani sa Barangay Suang Bunah.
Sa ngunyan, nasa kustodiya na kan nasambitan na barangay an rocket debris.
Sigun sa PCG, nakikipag-koordinar na an Coast Guard Station Western Sulu sa barangay officials para sa posibleng paglipat kan debris sa kustodiya kan ahensiya para sa maayos na handling asin disposisyon.
Katakod kaini, pig-enkaminar kan ahensiya an publiko na tolos i-report sa mga awtoridad an anuman na kakaibang bagay na manunutaran sa dagat tanganing masierto an kasalbaduhan kan publiko.
