NAGA CITY – Pigkundusir kan City Veterinary Office sa cuidad nin Naga an World Rabies Awarenes Month ngunyan na aldaw.

Sa entrevista kan Bombo Radyo Naga ki Dr. Marilee Lingua Naga City Veterinary Office OIC, isinaysay kaini na an programa ngunyan na aldaw an dapit sa World Rabies Awarenes Monthna kun sain ini an bako sana sa naga alagad ini an pigkukundusir sa bilog na kinaban.

Pigheras kaini na an pigbakunahan iyo an mga 3 months old pataas kan booster shot booster shot kun sain ini an hasta alas-3 nin pagkahapon.

Apwera pa sa pagbakuna kasabasay man kaini an pagkapon sa mga lalaking mga ikos asin ido alagad sa presente igwa ini nin bayad na 75 pesos ini an open sa gabos na mawot na magpakapon kan saindang mga ataman.

Kinakaipuhan lang na magdara nin cotton, blade, gauze, asin manila paper na duwa sa mga ipapakapon an ikos o ido.

Dugang man ni Lingua na an saindang opisina an padagos an dog catching activity orog na sa bilog na nasasakupan na lugar kan syudad nin naga.

Nakapagrehistro man poon enero nin 8 kaso nin K9-rabies o sa ido sana,sa presente mayu man nin kaso nin human rabies sa cuidad nin Naga.

Sa ngunyan pagirumdom na sana kaini na magin responsable an mga pet owner orog na ta dakol na an mga nagpapaabot nin reklamo dapit sa mga ati kan mga ini sa mga tinampo, siring man na nagigin rason kan mga aksidente sa tinampo.

Hagad kan opisyal na makipagtabangan an lambang saro orog na tangani na makaiwas na magkaigwa nin kaso nin human rabies.

Mientrastanto, isinaysay man ni Dr.Rey Andrew Dimaano NCGH ABTC Coordinator, nasa presente nahihiling man kaini na aware na an mga tawo sa importansya kan pagpapabakuna orog na ta dakol na an mga nagpapabakuna sa presente kan mga ataman na ido asin ikos.

Ipigheras man kaini sa publiko na dapat na malinig an mga kinakakanan kan mga ataman na hayop, may sadiring istaran na malinig, kinakaipuhan na nakakulong o nakagakod tangani na maibitaran na makagat kan ibang ataman na hayop, siring man kinakaipuhan ini na pabakunahan nin anti-rabies.

Pangapudan man kaini sa publiko na i-report man sa mga otoridad an mga nagbasay-basay na mga ido