NAGA CITY – Pigtawan-duon kan alkalde kan Minalabac, Camarines Sur, na dugang katabangan an saindang naresiber na bagong ambulansya sa pansalud.
Sigun ki Christopher Lizardo, alkalde kan nasambitan ng banwaan, na dakulang katabangan an nasambitan ng behikulo sa saindang banwaan orog na sa panahon kan kalamidad. Apwera pa digdi, ngunyan man na tag-uran an nagkakawsa nin manlaen-laen na kahelangan siring na sana kan dengue.
Sa ibong man kan pagkakaigwa nin mga rescue vehicles asin ambulansya sa saindang banwaan, an importe pa man giraray an dugang na ambulansya orog na ta mahewas soboot an saindang land area.
Mientrastanto, sa presente soboot igwa na nin Duwang ambulansya-kaibanan na an bago asin duwang rescue vehicles na saindang piggagamit sa pagresponde sa mga pasyente maski pa sa luwas kan saindang nasasakupan.
Marurumdoman, nagheras an Philippine Charity Sweepstakes Office (PCSO) kaibanan si Presidente Ferdinand Marcos Jr. nin mga ambulansya sa mga LGUs kan Setyembre 10, 2024.
