Aram baya nindo mga ka-Bombo, sarong 33-anyos na Hapon an nakakakua nin dakulang atensyon huli sa saiyang ingeniong paagi nin pagbugtak nin atop sa ibabaw kan saiyang payo – na naghahagad sa mga estranghero na pabayaan ining magturog.
Si Sharaf Ishida nagturog sa labing 500 na manlaen-laen na harong sa laog nin limang taon.
Pakatapos na maghale sa saiyang trabaho, nagdesisyon ining ipabakal an gabos kaini rogaring apwera sa nagkapirang kaipuhan na bagay na nababagay sa saiyang backpack asin magbyahe sa palibot kan Japan gamit an saiyang tinipon.
Sa normal, an akomodasyon iyo an pinakahalangkaw sa saiyang listahan nin mga gastos, alagad an 33-anyos na lalaki nakanompong nin sarong mapag-isip na paagi nin pagbugtak nin atop sa ibabaw kan saiyang payo na libre.
Aroaldaw, si Ishida nagtitindog sa mga lugar na pano nin tawo minsan sa laog nin pirang oras, na may kapot na karatula na nagsasabing “Please Let Me Stay Over Tonight!” maski garo kakaiba, haros pirmi ining nakakahanap nin sarong tawo na andam na mag-ako saiya, kadaklan mga nagsosolo-solo na mga kagsadiri nin harong na nangangaipo nin sarong makakaolay.
