NAGA CITY-Gadan an sarong lalaki sa Sariaya, Quezon makalihis ining badilon mantang naglalakaw pauli.
Binisto an biktima na si alyas Reynaldo, residente kan Brgy. Lutucan Malabag, kan nasambitang banwaan.
Sa nagunong impormasyon kan Bombo Radyo Naga sa Quezon Police Provincial Office, nakakua soboot nin apod an Sariaya Municipal Police Station gikan sa sarong Barangay Kagawad kan Brgy. Lutucan Malabag na nagkaigwa soboot nin insidente nin pambabadil sa Sitio Palomera kan nasambitang barangay.
Basado sa inisyal na imbestigasyon kan mga kapulisan, alas 7:40 soboot subanggi kan naglalakaw an biktima pauli sa saiyang harong kan bigla na sana ining pigbadil kan dai pa nabibistong suspek sa saiyang lawas na tulos kaining kinagadan.
Sa ngunyan, nagpapadagos pa an imbestigasyon kan mga awtoridad dapit sa nasambitang insidente.
