NAGA CITY – Pigheras kan sarong abogado an mga grounds tanganing maikonsiderar na rape an sarong kaso.
Sa entrevista kan Bombo Radyo Naga ki Atty. Chelsea Liao-Ariza, legal practitioner sa sarong law office, sinaysay kaini na magigin rape an sarong kaso enkaso nagkaigwa nin penetration kan pribadong parte kan lawas kan sarong lalaki sa babae na mayo nin permiso an biktima.
Maiikonsiderar man ining rape enkaso naggamit an suspek nin force, pananakot asin intimidation o an biktima an mayo nin kakayahan na magtao nin permiso.
Dugang pa ni Liao-Ariza, igwa nin duwang kategorya an rape sa irarom kan ley saro na digdi an paggamit nin anuman na klaseng bagay tanganing ilaog sa pribadong parte kan lawas kan biktima na malaog sa kasong sexual assault.
An paglalaog soboot nin anuman na bagay sa pribadong parte kan lawas kan biktima an maiikonsiderar na rape orog na kun mayo ini nin permiso kan ibong na lado.
Tinawan duon man kan abogado na konsiderado pa man giraray na rape an insidente dawa pa sa katahawan kan aksyon an pigganahan asin nagustuhan man kan babae o biktima an nangyayari kun sa puon pa sana an mayo na ining permiso gikan sa saiya.
Sigun pa digdi, magin an lalaki an pupwede man na magin biktima kan rape asin an babae naman an magin perpetrator.
