NAGA CITY- Nagtutubod an lado ni Vice President Leni Robredo na kinakaipuhan na matukar kan Supreme Court (SC) na nagtitindog komo Presidential Electoral Tribunal (PET) an nagin pahayag suodma ni dating senador Ferdinand ‘Bongbong’ Marcos na nagsasabing igwa suboot mga basang balota asin nawawarang mga audit logs sa nagkakapirang presinto hale sa Bato, Camarines Sur.
Sigon ki Georgina Hernandez, tagapagtaram kan bise presidente, dapat na matukar sa PET an manungod sa pigbutasan na mga pahayag ni Marcos asin para mahiling kun igwa digding nangyaring pagbalgar sa enot nang pinaluwas na gaga order kan Korte Suprema sa duwang lado.
Tinawan doon man ni Hernandez na mahigot na nagsusunod si Vice President Robredo sa nasambitang gag order kun saen dae sinda pigtutugutan na magbutas nin pahayag manungod sa anuman na detalyes kan electoral protest siring man an proseso kan gigibuhon na manual recount.
Naglalaom man si Hernandez na uutubon man kan lado kan dating senador an nasambitang kasuguan kan korte.
