Pinahigot an seguridad sa Ninoy Aquino International Airport (NAIA) mantang piglalaoman na mapakol sa 1.3 milyong pasahero an madagsa sa Undas 2025 o long weekend.
Nag-iikot sa palupadan an mga K-9 unit asin bomb squad kan pulisya, mantang naka-full duty an airport personnel maski holiday.
Pig-abisuhan man an mga biyahero na mag-abot nin amay tanganing malikayan an abala.
Naenot nang pigpautob kan New NAIA Infra Corp. (NNIC) an Oplan Undas 2025 sa gabos na terminal kan NAIA tanganing masierto an kasalbaduhan, kaginhawaan, asin maayos na daloy kan mga pasahero sa Undas asin long weekend.
Pig-abisuhan man ang mga pasahero na mag-abot nin amay — tulong oras antes an international flights asin duwang oras antes an domestic — asin siertuhon na salbado an mga importanteng gamit asin likayan an mga pigbabawal na items.
