Mabugtak na an Commission on Elections (COMELEC) nin seguridad sa pag-file kan certificate of candidacy (COC).
Ini poon Oktubre 1 sagkod Oktubre 8, 2024 sa Tent City kan Manila Hotel.
Maabot sa 400 na pulis an mabantay sa luwas asin sa palibot kan Manila Hotel durante kan COC filing kan mga kandidato sa senador asin party-list Ini apwera pa sa mga force multipliers na makakatabang sa pagmantenir kan seguridad asin pagmanehar kan kamugtakan kan trapiko.
Nakipag-ulay man an COMELEC sa Armed Forces of the Philippines (AFP), Philippine Coast Guard (PCG) asin Bureau of Fire Protection (BFP) para sa bagay na seguridad sa iba pang lokal na opisina kan ahensya kun sain gigibuhon an pag-file kan COC.
