Ginunita ni Sen. Bam Aquino ang ika-limang taon mula nang pumanaw ang kanyang pinsan na si dating Pangulong Benigno “Noynoy” Aquino III.
Sa kanyang pahayag, binalikan ni Bam Aquino ang naging serbisyo ng dating pangulo sa sambayanang Pilipino at ang mga programang isinulong nito sa panahon ng kanyang panunungkulan mula 2010 hanggang 2016.
Ayon sa senador, nananatili ang alaala ni Noynoy Aquino dahil sa kanyang dedikasyon sa paglilingkod at mga hakbang na isinagawa para sa bansa habang siya ang namumuno bilang pangulo.
Ipinagdiwang at inalala rin niya ang mga naging ambag ng dating lider sa pagpapaunlad ng ekonomiya, pagpapalakas ng mga institusyon ng pamahalaan, at pagpapatupad ng mga repormang nakatuon umano sa mabuting pamamahala.
Si dating Pangulong Aquino ay pumanaw noong Hunyo 24, 2021 sa edad na 61. Siya ang ika-15 pangulo ng Pilipinas at anak nina dating Pangulong Corazon Aquino at dating Senador Benigno Aquino Jr..
