Pigtawan-doon ni Senator-judge Alan Peter Cayetano an importansya kan tamang pag-label sa mga dokumentong ipinapresentar bilang ebidensya sa impeachment trial, sa padagos na pagdangog kan Senado sa impeachment trial ni Vice President Sara Duterte ngunyan na aldaw, Setyembre 21.
Segun ki Cayetano, pwedeng malito an publiko kun bakong tugma an nakasurat sa titulo kan dokumento sa aktuwal na laog kaini.
Partikular niyang sinambit an dokumentong may titulong “Summary of Vice President Sara Duterte’s Shareholdings,” na suboot naglalaog man nin mga datos manungod sa sarong korporasyon.
Giit ni Cayetano, importante na maging maingat sa pag-label kan mga dokumento tanganing dai ma-prejudice an depensa asin an Bise Presidente, orog na ta ipinapahiling an mga ini sa publiko sa paagi kan telebisyon asin iba pang platforms.
Sinang-ayunan man ini ni presiding officer Chiz Escudero na pwedeng itama an nasabing isyu sa paagi kan pagbabago sa title kan dokumento o pagsuway kan mga datos na direktang dapit sa Bise Presidente.
