Nagdesisyon an Senado na isantabi na muna an impeachment case kontra ki Vice President Sara Duterte.
An lakdang an komo pagsimbag sa executory decision kan Korte Suprema sa pagbasura sa impeachment complaints.
Nakakua nin kabilogang boto na 19 na Senador an nagtugot na i-archive na an kaso mantang igwa man nin apat an nag kontra asin saro an nag-abstain.
An mga bumoto nin yes an kinababalihan ninda : Senators-Alan Peter Cayetano, Pia Cayetano,Ronald Dela Rosa, JV Ejercito, Francis Escudero, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Imee Marcos, Robinhood Padilla, Erwin Tulfo, Raffy Tulfo, Joel Villanueva, Camille Villar, Mark Villar asin Juan Miguel Zubiri.
Mantang an mga kumontra an kinababalihan man ninda: Senator Paolo Benigno “Bam” Aquino IV, Risa Hontiveros, Francis “Kiko” Pangilinan asin Sen. Vicente “Tito” Sotto III.
Mantang nag-abstain man si Sen. Panfilo Lacson.
Marurudumang enot na kahagadan ni Sen. Marcoleta na ibasura na sana an impeachment case kontra ki VP Duterte hasta sa nagtugot na sana ini na i-archive.
Enot ng ipinaliwanag ni Sen. Alan Peter Cayetano, na an pagbubugtak sa archive sa impeachment case ni VP Duterte an dae buot sabihon na ini an gadan na imbes, pwedeng buhayon kun baligtaron kan Korte Suprema an desisyon kaini.
