Mayong dulagan sa Senado si Kingdom of Jesus Christ (KOJC) founder Pastor Apollo Quiboloy.
Sigun ki Senator Risa Hontiveros, pipiriton ninda na maitakda nin amay an masunod na pagdangog sa Senado dapit sa mga pang-aabusong ginibo ni Quiboloy.
Pigsaysay kan opisyal na oras na mai-schedule an petsa kan masunod na pagdangog ki Quiboloy tolos na masurat an Senadora sa korte tanganing masierto na makaka-atender an pastor sa masunod na pagdangog.
Dugang pa ni Hontiveros, kadakol sindang ihahapot ki Quiboloy partikularmente na sa pagre-recruit kan saiyang mga mananampalataya siringman an mga krimen na ginibo kaini sa mga kababaihan, kajovenan asin kalalakihan kan KOJC.
Bubusision man an mga iligal na aktibidad ni Quiboloy sa ibang nasyon na nagin dalan tangani na suntentuhan an marangyang pagbuhay kaini.
