NAGA CITY-Nagpaluwas na nin arrest order an Senado laban ki suspended Bamban, Tarlac Mayor Alice Guo.
Ini may kinaaraman pa man sa saiyang dai pag-atendir sa pigsasagibong pagdangog kan halangkaw na kapulungan kan kongreso manunungod sa illegal na operasyon kan Philippine Offshore Gaming Operators(POGO) sa nasyon.
Ipinagsugo kan Office of the Senate Sergeant-At-Arms an pag-isyu kan nasambitang kasuguan sa laog nin 24 oras.
Segun sa Senado, an dai pag-atendir ni Guo sa pagdangog kan Hunyo 26 asin Hulyo 10 klarong taktika tanganing ma-delay an pagdangog.
Kaibanan sa pigpapa-arestar kan Senado iyo an ama ni Guo na si Jian Zhong Guo, mga tugang na sina Sheila, Wesley asin Seimen Guo, soboot ina ni Guo na si Wen Yi Lin, asin si Nancy Gamo asin Dennis Cunanan na dating accountant na pigsasambit na pigrerepresentar an POGO sa Bamban.
Sa presente, mayong simbag an kampo ni Guo manunungod sa nasambitang kasuguan.
