Kahagadan ni Senator Sherwin Gatchalian na kaipuhan pa man giraray na idagos an gabos nin mga kaso kontra ki Alice Guo asin panimbagon sa mga kinakaimbweltuhan na iligal na gubuhon.
An reaksyon kan Senador an makalihis na mapatunayan sa korte na sarong Chinese national si Guo Hua Ping o Alice Guo kun saen deklaradong mayong bisa an termino kaini komo alkalde kan Bamban, Tarlac.
Sigun ki Gatchalian, an desisyon kan korte an patunay sana kan saindang sinasabi kaidto pa na dae nuarinman kwalipikadong magkapot nin public office si Guo.
Pighurot man kan Senador na sunod na pagbawalan si Guo sa pagmaysadiri kan daga sa nasyon.
Pig inkaminar man kan lehislador an gobyerno na habulon an mga nagtabang asin nagprotehir ki Guo orog na sa panahong nagtakas ini nin Pilipinas.
