Pigkalampag ni Senator Imee Marcos an gobierno sa padagos pa man ma pagsakit na namamatean kan mga paraoma ngunyan na bulan kan National Rice Awareness Month.
Pigsaysay pa kan senadora na kun ini ba talaga an pagselebrar kan Rice Awareness Month o pagpapadagos sana kan Halloween para sa mga paraoma.
Pigtukoy kan senadora na sa sobrang sakit kan kamugtakan kan mga paraoma sa nasyon bako ng paroy an pighahagad na tabang tanganing maipabakal kundi daga na.
Nagtitinir kaya na lugi an mga paraoma maski anong paglalapigot ninda asin dae soboot namamatean an epekto kan mga ley na dapat soboot matabang sa sainda.
Pigpapaamyenderan ni Sen. Marcos an Agricultural Tariffication Act huli ta dae maayos an implementasyon kan ley asin tanging mga middlemen asin traders an nakikinabang sa Rice Competitiveness Enhancement Fund (RCEF) imbes na mga paraoma.
Apwera pa digde, pigbubusol man kan lehislador an Minimum Wage for Farmers sa pagtubod na ini an tunay na kaipuhan kan mga paraoma.
