NAGA CITY- Gadan an sarong service crew makalihis malamos sa Infanta, Quezon.
Binisto an biktima na si alyas Melchor, 23-anyos, residente kan Barangay Pag-asa, Caloocan,
City.
Sa nagunong impormasyon kan Bombo Radyo Naga sa Quezon Police Provinvincial Office, napag-araman na nagpasiring an biktima kaibahan an saiyang mga pinsan sa sarong salog tanganing magkarigos.
Sa inisyal na imbestigasyon kan mga otoridad, nagluluwas na nagpasiring an biktima kaibahan an ibang mga pinsan sa hararom na parte kan nasambitan ng salog.
Katakod kaini, makalihis an pirang minuto igwa ng nahiling na nagpapalutang-lutang na lawas kan sarong indibidwal asin ini an pinagbisto na si alyas Melchor.
Mientrastanto, tolos man na pigdara an biktima sa ospital para sa asistensiya medikal alagad pigdeklarar man sana ining dead on arrival kan mga doktor.
Sa ngunyan, nagpapadagos pa an imbestigasyon kan mga otoridad dapit sa nasambitan ng insidente.
