NAGA CITY- Gagamiton kan sarong kooperatiba sa sarong barangay sa banwaan kan Pasacao, Camarines Sur an saindang naresiber na Shredder machine and Rotary Composter sa pagcompost kan mga basura na magigin fertilizer kan mga paraoma.
Sa entrevista kan Bombo Radyo Naga ki Randy Latosa, Kapitan kan Barangay Caranan, Pasacao, Camarines Sur, sinaysay kaini na sa ngaran kan Department of Agriculture, saindang naresiber an Shredder Machine na parte man kan saindang programa para sa mga kooperatiba sa agriculture tanganing magamit para sa natural fertilizer.
Sigun soboot sa opisyal, mas marhay na an mga barangay an magmanihar kan shredder asin Composter, orog na ta an saindang barangay partikulamente na an LGU-Pasacao igwa nin programa dapit sa segregation.
Sigun ki Latosa, an saindang mga nacompost na basura an itatao man giraray sa mga kooperatiba kan saindang barangay, siring kan Caranan Farmers Agrarian Reform Cooperative na igwa nin poco mas o menus 500 na miyembro.
Mientrastanto, nakapokus man an saindang programa para sa mga tinatanom na mga paroy.
Sa ibong kaini, pigheras man ni Latosa na saro sa huma na kinakahampang kan saindang barangay an pag-abot sa basura kun kaya dakulang an nasambitan ng makita para sa saindang lugar.
