Pigsierto na preparado an simbahan maklihis kan 9-aldaw na novenario, pangadyi, asin misa ki Divino Rostro asin an paggibo kan Novenario para ki Nuestra Señora de Peñafrancia sa Traslacion Procession ngonian na aldaw.
Sa impormasyon na nakua kan Bombo Radyo Naga ki Fr. Pablo Carpio, Vice Rector of the Peñafrancia Basilica Minor, sinabi kaini na piglaoman an pagdagsa kan mga deboto asin peregrino na maabot asin makisumaro sa Traslacion Procession.
Alas 12 nin udto an gabos na kampana sa Arkidiosesis kan Caceres an papatugtugon.
Padagos an selebrasyon kan Prosisyon kan Traslacion dawa mag-uran o mag-init ngonian na Biyernes tinawan duon kaini na dapat likayan kan mga voyadores, orog na sa oras kan traslacion procession, na magsakat sa andas kun sain an katuyuhan kan simbahan iyo an magin marhay an kamugtakan kan bilog na durasyon kan Traslacion Procession.
Dugang pa ni Fr. Carpio pigpapagirumdoman na an selebrasyon bako para sa mga voyadores na magin sikat sa social media alagad ini an kafiestahan ni Divino Rostro asin Nuestra Señora de Peñafrancia.
