Pinahimutikan kan Department of Justice na igwa nin masunod na ipapaarestar an International Criminal Court kasunod kan pagkakadakop ki dating Presidente Rodrigo Roa Duterte.
Sigun mismo ki Justice Secretary Jesus Crispin Remulla, mayo pa nin naiireport sa sainda an nasambitan ng korte kun siisay an pwedeng ipaaarestar kan International Tribunal.
Ini an makalihis kan mahapot mapadapit sa kun siisay na personalidad an posibleng ipaarestar asin darahon sa The Hague, Netherlands katakod sa kasong kinakaatubang kan dating Presidente.
Alagad pag asegurar man kan nasambitan ng sekretaryo na si Justice Secretary Remulla, na saindang ipagpapadagos an pakikipagkoordinar sa International Criminal Court.
Kun saen dae soboot mauntok an kordinasyon kan Department of Justice asin nasambitan ng korte sa mga posible pa kaining hagadon sa saindang kagawaran.
Kaya saiyang pighurot na kun igwa mang kapuhan gibuhon, sainda ining isasakatuparan sa saindang pakikipagtabangan sa International Crminal Court.
Siringpaman, paglilinaw ni Justice Secretary Remulla na an kordinasyon sa pag-ultanan kan kagawaran asin International Criminal Court an kawsa sana kan saindang pakikipagtabangan.
Mayo man nin pormal na dokumento o opsiyal na papeles tangani saindang sunudon o ipautob sa pakikipagkoordinar ninda sa nasambitan ng International Tribunal.
Kaya man saiya pang inihayag na dae ini nangangahulugan na mabalik na an nasyon sa pagigin miyembro kaini kan Rome Statute sa International Criminal Court.
Paliwanag kan presenteng sekretaryo na an desisyon manungod digde an dae sakop kan Department of Justice kun mabali liwat an Pilipinas.
Sa presente, sulamenteng si former President Rodrigo Road Duterte pa sana an nakapiit sa detention facility kan ICC sa The Hague, Netherlands.
Kun saen digde kaini kinakaatubang an mga alegasyon o kasong may kinaraman sa saiyang nagin pamamalakaw partikular sa War on Drugs kan saiyang administrasyon.
