Nagpakol na sa 88 na labi an nabisto kan South Korean authorities gikan sa Boeing 737-800 plane na nag-crash asin nasolo sa South Korea kan nakalihis na aldaw, Disyembre 29.
Bagaman nagigin pasakitan an pag-aram sa pagkakakilanlan kan mga labi, naggagamit na an mga awtoridad kan manlaen-laen na makabagong paagi tanganing mabisto an mga ini, siring kan fingerprints, dental records, asin iba pa.
Magin an mga kaparientes kan mga binawin nin buhay an nasakitan man bistuhon an pagkakakilanlan kan mga biktima.Hasta kasuodma, Disyembre 30, igwa pang sampulong labi an dae maaraman an kasarian.
Mientrastanto, 85 sa mga labi an pawang mga babae mantang 84 an mga lalaki, basado na man sa inisyal na impormasyong iniluwas kan mga awtoridad kan Sokor.
Sa ibong kaini, nasa marhay na kamugtakan na man an duwang survivor na pigbisto sana sa apilyedong Lee, 33 anyos, asin Koo, 25 anyos.
Si Lee an nagtamo kan multiple injuries kaibahan na an nabaring tadyang asin traumatic spinal injury, mantang si Koo an nagtamo kan injuri sa saiyang mga bitis asin payo.
Sa ibong kan malubhang mga lugar, nakakataram na soboot an duwa asin mayo man indikasyon kan memory loss.
Pitong aldaw an pigdeklarar kan South Korea government tanganing ipagluksa an mga binawian nin buhay sa malagim na trahedya.
