Pighamon ni House Speaker Martin Romualdez si Bise Presidente Sara Duterte na ipaliwanag an suboot salang paggamit kan 612.5 milyones pesos na confidential funds kan OVP asin Department of Education.
Sa saiyang mensahe sa plenaryo ngunyan na aldaw, nagbalos si Romualdez ki Duterte kasunod kan banta kan Bise Presidente na igwang nakaulay ini na magadan saiya asin ki Presidente Bongbong Marcos asin First Lady Liza Araneta-Marcos.
Segun sa Speaker, makahadit asin delikado an pahayag ni VP Sara orog na bako nang normal na pagtaram kundi direktang banta sa demokrasya, sa gobyerno asin sa seguridad kan nasyon.
Pigdepensahan man ni Romualdez an Kamara kontra sa mga pag-atake asin pagbalgar sa protocol na ginibo kan bise-presidente asin nangapodan sa mga kapwa mambabatas na protehiran an integridad kan institusyon.
An mga alegasyon na pigpapabagsak o pigpapakaraot kaini si Duterte huli sa saiyang ambisyon sa pulitika sa taon 2028 asin maikokonsiderar na dsperadong lakdang tanganing ilhis an an totoong isyu.
Kumbinsido an Speaker na an nasa likod kan mga daing basehan na akusasyon ni Duterte iyo an pagprobar na tahuban an nagdadakol na ebidensya nin salang paggamit kan pondo sa irarom kan saiyang liderato.
Pigtawan duon kan Speaker na an responsibilidad bakong opsyonal asin an transparency bakong negotiable, kaya an siisay man na pinagkatiwalaan nin public funds dapat andam na magpaliwanag kun saen asin pano ini nagastos.
