Nagpatanid an Sugar Regulatory Administration (SRA) na maabot sa 150,000 metriko tonelada nin hilaw na asukar an pwedeng mawara kun dae tulos makontrol an paglakop kan red-striped soft scale insect (RSSI) sa Negros Occidental.
Segun sa SRA, maabot sa 30 por ciento kan 67,000 hektaryang plantasyon nin tubo sa probinsya an apektado na.
Dawa ngani pigtutulod kan gobyerno probinsyal an paggamit nin biological control, sinabi kan SRA na maluway an prosesong ini asin kulang para mapundo an paglakop kan peste antes mag-ani.
Sa rason na ini, pig-aadalan kan ahensya an aerial spraying asin an paggamit nin mga drone sa pag-apply nin pestisidyo bilang tulos na solusyon.
Mientrastanto, pigmanduan ni Agriculture Secretary Francisco Tiu Laurel Jr.
An SRA na padalion an produksyon kan sarong natural na fungus na makakalaban sa RSSI para maprotehiran an mas dakul na plantasyon nin tubo.
