NAGA CITY-Nagpapakusog nin boot para sa mga residente sa banwaan nin Siruma, Camarines Sur an suporta na ipinapahiling kan publiko sa saindang laban kontra sa illegal soboot na pagkukudal sa saindang lugar.
Sa entrevista kan Bombo Radyo Naga ki Randal Dagooc, Residente kan San Ramon, Siruma, Camarines Sur, sinaysay kaini na maogma sinda na nakaabot na sa Kongreso an isyu makalihis an ginibong privilege speech ni Camarines Sur 4th District Congressman Arnie Fuentebella.
Sa nasambitan kaya na patara-tara, pigbuyagyag ni Fuentebella an soboot iligal na pagkukudal asin pagkubkob kan daga sa Barangay Salvacion asin Barangay San Ramon, Siruma nin mayong permits, mayong koordinasyon asin mayong accountability.
Sa nasambitan pa na privilege speech nangapudan an Kongresista nin full congressional investigation asin an paghiro kan gabos na ahensiya na concerned sa isyu na iyo man pigsuportaran ni Mamamayang Liberal Partylist Representative Leila De Lima.
Sigun ki Dagooc, makalihis sana an patara-tara ni Fuentebella nagpaluwas man nin pahayag si Governor Lray Villafurte sa paagi kan sarong entrevista na nabakal kan Wanderlust Land Development Corporation na pagsasadiri kan saindang pamilya an nasa 1014.92 ektarya kan kadagaan sa Siruma.
Sinda soboot an nagpapakudal digde huli ta nabakal ninda an nasambitan ng daga. Makalihis man na an privilege speech ni Fuentebella paramientras na nauntok an pagpapakudal sa area alagag nagtitinir na yaon an mga barrack asin may bantay digde.
Alagad kadakol man an nagpa-abot nin report na nagbalyo nin Barangay sa Siruma an ibang mga kalalakihan na nagkukudal man kan mga kadagaan. Siringman aga asin bangi an ginigibo kan mga ining pagkukudal.
Mientrastanto, igwa naman nakabantay na kapulisan gikan sa Regional Officer asin Army na iyong nag-iikot tanganing masierto an kasalbaduhan kan publiko.
Pigsaysay pa ni Dagooc na nakaka-trauma an siring na sitwasyon sa saindang mga residente nin huli ta an dating matuninong,naribok bigla huli sa kagibuhan kan nagkapirang kalalakihan.
Pigsierto man ni Dagooc na maski igwa sindang nareseber na administrative notice, mapadagos an saindang laban.
Sa ngunyan, hagad liwat kaini an suporta kan gabos para sa paglaban sa katotohan.
