Matrayumpong natapos kan BRP Gabriela Silang (OPV-8301) kan Philippine Coast Guard (PCG) an Tri-Country Port Visit mission sa Da Nang City, Vietnam puon Abril 14 hasta 17, 2025.
Pinangenotan ni Captain Eleizer Ibarrientos, an huring destinasyon kaini sa Vietnam an nagsirbing culmination kan makasaysayang pagbisita sa Thailand asin Malaysia.
Sa tolong aldaw na pagbisita, nagpatibay an PCG asin Vietnam Coast Guard (VCG) nin bilateral cooperation sa paagi kan mga courtesy calls, professional exchanges, ship tours, people-to-people engagements, asin preparatory meetings.
Komo tanda kan marhay na pakikitungo, nagtao an Vietnam Coast Guard nin farewell ceremony para opisyal na makabyahe an BRP Gabriela Silang (OPV-8301), na pigsunundan kan joint at-sea exercise sa search and rescue asin firefighting.
An reciprocal visit an nagpapatibay kan koordinasyon kan PCG asin Vietnam Coast Guard, kasunod kan Memorandum of Understanding kan Enero 2024 asin pagbisita kan Vietnam Coast Guard Ship CSB 8002 sa Manila kan Agosto kan nasambitan ng taon.
An pagbisita sa Vietnam an nagtaong duon sa aktibong papel kan PCG sa regional collaboration sa irarom kan ASEAN Coast Guard Forum (ACF) asin pagpapamarhay kan maritime security sa Southeast Asia.
Sa ngunyan, pabalik na sa Pilipinas an BRP Gabriela Silang, dara an mas pinatibay na ugnayan, eksperyensiya asin promesa na suportaran para sa mas salbado asin mas siguradong maritime domain sa rehiyon.
