Pigsaysay ni U.S. President Donald Trump na mayong nabilog na pinal na desisyon sinda ni Russian President Vladimir Putin para sa pagresolbar kan giyera sa pag-ultanan kan Russia asin Ukraine makalihis an haros tolong oras na summit sa Alaska.
Alagad sa ibong kaini, inapod ni Trump na “very productive” an nasambitan ng pag-uulay.
Susog sa report, dae pa klarado kun an nasambitan ng meeting an nakapagbilog nin lakdang tanganing maibusol an ceasefire sa nagpapadagos na giyera.
Sa nagin pahayag ni Putin, pigsaysay kaini na saiyang piglalaoman na aakuon kan Ukraine asin European allies kaini an resulta kan U.S.-Russia negotiation, asin nagpatanid na dae pagrauton an progreso.
Marurumduman, enot nang pisaysay ni Trump na kamawotan kaini na mauntok na an kariribukan sa pag-ultanan kan Ukraine asin Russia na nagbungkaras puon pa kan February 2022.
Mientrastanto, dae man imbitado si Zelenskiy sa summit kun kaya nahahadit an European allies kaini sa magigin konsekwensiya kan pag-uulay.
