Personal na naeksperyensiyahan ni World Health Organization (WHO) Director-General Tedros Adhanom Ghebreyesus an ginibong air-strike kan Israel sa Yemen.
Sinaysay kaini na mantang papasakay na ini sa eroplano gikan sa Sanaa Airport kan pigsagibo kan Israel an air strike.
Duwa an binawian nin buhay asin sarong crew kan eroplano an irido.
Nagtamo nin danyos an air traffic control power asin departure lounge.
Nakasalbar man an mga kaibahan kaini sa United Nations asin WHO kun saen kaipuhan pa kaining halaton na mapakarhay an mga naraot sa palupadan tanganing sinda an dagusan na makahali.
Nasa Yemen an WHO Chief para sa negosasyon kan pagpapakawara kan staff kan UN asin obserbaran an kamugtakan kan nasyon.
Kan nakalihis na Hunyo kaya, 13 mga staff members kan UN an pigkulong kan Houthis sa Yemen makalihis na ginibo kaining crackdown.
