Aram baya nindo mga ka-bombo, kada taon tuyong mauranon an panahon mahihiling an pinakamagayon na tanawin sa Poyang Lake sa nasyon kan China.
An nasambitan ng lugar an nagigin kahugis kan mythical dragon tuyong binabaha na nagtatangro nin kakaiba asin magayon sa mata na ekperyensiya.
An Yongwu Road an sulamenteng tinampo na nagkokonektar sa Wucheng, an pinakagurang na banwaan sa China.
Ini man an parte kan X219 county road, kun saen an 5.05 km na infrastructure na ini an pigbugtak sa Poyang Lake, an pigkokonsederar na largest freshwater lake sa China.
An lugar an pinakapamosong tourist attractions kan Jiangxi Province.
Alagad an Yongwu an pinaka-pupular sa mga turista pagpuon kan rainy season siringman tuyong tagsibol na kun saen naglalangkaw an lebel kan tubig.
Katakod kaini, enkaso an palibot kan nasambitan ng lawa an nag-abot na sa 18.6 meters, an tubig piglulubog an mga parte kan tinampo na nagigin rason tanganing an Yongwu Road magin pinakamagayon na tinampo sa iraraom kan tubig.
