NAGA CITY – Dead on the spot ang isang motorcycle driver matapos na mabangga ng isang truck sa Rolando Andaya Sr. Highway, Barangay Manangle, Sipocot, Camarines Sur.
Kinilala ang biktima na si Aljon Mendina, 29-anyos, residente ng Zone 3, San Ramon, Tabaco, Albay.
Sa nakalap na impormasyon ng Bombo Radyo Naga sa Camarines Sur Police Provincial Office, napag-alaman na habang binabaybay ni Mendina ang nasabing kalsada nang mag-overtake ito sa isa pang sasakyan nang mag-slide at mawalan ito ng kontrol sa minamaneho nitong motorsiklo.
Nakadagdag pa dito ang madulas na kalsada dahil sa pag-ulan sa lugar, kung saan ito ang dahilan upang magpa suray-suray ang motorsiklo at aksidenteng mabangga ng kasalubong nitong truck.
Dahil sa nasabing pangyayari, nagtamo ng seryosong tama si Mendina na naging dahilan ng agaran nitong pagkamatay.
Sa ngayon, nagpapatuloy pa ang isinasagawang imbestigasyon ng mga awtoridad hinggil sa nasabing insidente.
