Dinagsa ng tinatayang 120,000 katao ang isang stadium sa Douala, Cameroon upang dumalo sa misa ni Pope Leo XIV bilang bahagi ng kanyang apat na bansang pagbisita sa Africa.
Idinaos ang misa sa Japoma Stadium sa ilalim ng mahigpit na seguridad, habang may ilang deboto ang nagpalipas pa ng gabi sa labas ng venue upang masaksihan ang pagdiriwang.
Sa kanyang homiliya, nanawagan si Pope Leo sa mga mamamayan na iwasan ang karahasan sa kabila ng kahirapan at iginiit na may sapat na yaman para sa lahat kung ito ay maayos na maibabahagi.
“Reject every form of abuse or violence, which deceives by promising easy gains but hardens the heart and makes it insensitive,” saad ng Santo Papa sa wikang French.
Binatikos din niya ang umiiral na hindi pagkakapantay-pantay at ang impluwensya ng makapangyarihang mga bansa sa mundo, at nauna na rin siyang naging kritikal sa ilang lider, kabilang si Donald Trump.
Aminado rin ang Santo Papa sa hirap ng kanyang paglalakbay, kabilang ang malamig na panahon at iba pang kondisyon sa lugar.
Samantala, patuloy na hinaharap ng Cameroon ang iba’t ibang suliranin sa seguridad at pulitika sa ilalim ng pamumuno ni Paul Biya.
Sa kabila nito, mainit ang pagtanggap ng mga mamamayan kay Pope Leo, na ayon sa mga lider ng simbahan ay nagdudulot ng pag-asa at inspirasyon sa bansa.
