Aram baya nindo mga ka-bombo, nakua kan sarong babae na gikan sa North Carolina an 1938 class ring sa parking lot kan sarong edificio asin ini an pigbalik sa apo kan orihinal na maysadiri.
Sigun ki Lori Rhew, saiyang nahiling an Virginia Tech Class kan 1938 na singsing sa parking lot kan sarong sikat na cafe sa Wilmington.
Pigsaysay kaini na saiyang iningatan an singsing sa paglaom na liwat na maibabalik ini sa maysadiri.
Sa paagi kan magnifying glass asin online research, naaraman kaini an maysadiri kan singsing na sarong Virginia Tech graduate na si Wallace Garst, na binawian naman nin buhay pirang taon na an nakakalihis.
Digde man nadiskubrer kan babae na igwang aki su Garts na si Wallace Garst, na nagtalikod naman sa kinaban kan taong 2024.
Sa saiyang obituary sa Wilmington Star nakapalaog an ladawan kun saen sulot an singsing kan saiyang ama.
Sa paagi man kan obituary an apo kan orihinal na maysadiri kan singsing na si Laura Stoy na tolos man pig-contact tanganing maibwelta an singsing.
Sa ngunyan, dakula man an pasasalamat ni Laura nin huli ta sa pagbabalik kan singsing sa saindang pamilya liwat na namatean kaini na yaon sa saiyang kataid pirme an ama.
