NAGA CITY – Arestado an duwang drug personality sa pigsagibong buy bust operation sa Lerma, Naga City.
Binisto an mga naarestar na sinda alyas one fourth, 34-anyos asin alyas Macmac, 37-anyos.
Sa entrevista kan Bombo Radyo Naga ki PLt. Col. Chester Pomar, tagapagtaram kan Naga City Police Office, sinaysay kaini na nakua sa mga suspek an kabilugang limang sachets kan pinagtutubudang shabu asin duwang sachet kan pinagtutubudang marijuana.
Dugang pa kan opisyal, dati naman na kabali sa illegal drugs watchlist kan mga otoridad an nasambitan ng mga suspek asin haloy naman na pigmamanmanan kan mga kapulisan.
Mientrastanto, pighahalat pa man kan mga ini an kantidad kan mga nakumpiskar na ipinagpapangalad na bulong.
Apwera pa digdi, posible man na maharap sa mas magabat na kapadusahan asin penalidad an saro sa mga suspek makalihis na enot na ining madakop huli sa kaparehas na rason.
Sa ngunyan, nasa kustodiya na kan mga otoridad an mga suspek para sa magkakanigong disposisyon.
