NAGA CITY – Duwa katao na an nairehistrong gadan sa bakbakan kan militar asin mga rebeldeng New People’s Army (NPA) sa Barangay Mampirao, Caramoan, Camarines Sur.
Sa nakuang impormasyon kan Bombo Radyo Naga sa Division of Public Affairs Office (DPAO) kan 9th Infantry Division, Philippine Army, napag-araman na pasado alas 5:15 kasubagong aga kan magpuon an riribayan nin putok sa pagultanan kan tropa kan 83rd Infantry Battallion asin kan kinakarkulong nasa 20 mga rebelde.
Sa inisyal na impormasyon kan mga otoridad, may limang mga armas na an narekober asin duwang nabayaang bangkay sa parte kan mga rebelde mantang mayo man nin casualty sa tropa kan gobyerno.
Sa ngunian, nagpapadagos pa an clearing operations kan mga kasuldadusan sa encounter site.
