NAGA CITY-Sugatan ang dalawang lalake pagkatapos ang collision ng kanilang motorsiklo at bisikleta sa Lucena City.
Kinilala ang mga sugatan na sina Jose Rufinson Lim Jao, 42-anyos, residente ng #23 ML Tagarao Street, Barangay 3 sa nabanggit na siyudad, at si Ardie Adamos Obniala, 20-anyos residente ng Sitio 4, Barangay Lacawan, Tayabas City.
Sa nakuhang impormasyon ng Bombo Radyo Naga sa Quezon Police Provincial Office, napag-alaman na habang binabagtas ni Obniala ang Doña Aurora Boulevard sa Tayabas Bound Lane gamit ang minamaneho nitong motorsiklo, ng marating nito ang kurbadang parte ng daan kung saan nawalan ito ng kontrol, rason upang bumagsak ito sa gilid na parte ng bisikletang sinasakyan ni Jao.
Dahil dito, nagtamo ng sugat sa ulo at mga pinsala sa katawan ang dalawa.
Sa ngayon, nagpapatuloy pa ang imbestigasyon ng mga awtoridad tungkol sa nabanggit na insidente.
