NAGA CITY – Pigtawan duon ni Vice President Leni Robredo na posible an saiyang pagdalagan sa Presidential election alagad sa ngunyan, bako pa soboot ini parte kan pigtatawan niya nin prayoridad asin preparasyon.
Sa paghampang kan Bise Presidente sa mga kagawad kan medya sa Naga City, sinaysay kaini na harayo pa an Presidential election kun kaya mayo pang lugar an preparasyon para digdi.
Sigon ki Robredo, an mga presenteng problema sa nasyon asin mga isyu an nangangaipuhan ngunian nin preparasyon.
Dugang pa kaini, sa laog nin tolo pang taon, dakol pa an pwedeng mangyari asin mabago.
Sa ibong kaini, sigon sa Bise Presidente, kung magharay na an kamugtakan kan nasyon sa mga masurunod na taon, tibaad magin posible an nasambitan ng isyu.
