Pighagad ni dating Presidente Rodrigo “Digong” Duterte sa International Criminal Court (ICC) Pre-Trial Chamber I na suguon an ICC Registry na bawion o ipawarang-salaysay an pagkakatalaga kan tolong common legal representatives para sa mga biktima kan giyera kontra ilegal na droga sa irarom kan saiyang administrasyon.
Sa 11-dahong dokumento na igwang petsang Pebrero 11, pighagad ni Nicholas Kaufman, saro sa legal team ni dating Presidente Rodrigo Duterte sa Pre-Trial Chamber I, na bawion an pagkakatalaga kina Joel Butuyan, Gilbert Andres, asin Nicolene Arcaina komo legal representatives kan mga biktima, huli sa soboot pagkakaigwa nin kinikilingan.
Sinasabing saro sa mga abogado an soboot nagbatikos sa saindang legal na estratehiya sa media asin nagpahayag kan mga naenot na pananaw dapit sa mga paratang kontra sa dating Presidente.
Apwera digde, sinasabing si Arcaina, an dating staff lawyer kan CenterLaw Philippines, kun saen haloy nang konektado sinda Butuyan asin Andres.
Sigun pa sa depensa, pwede ining magpahiling kan pagpapadagos kan propesyonal na koneksiyon na dae tugma sa integridad kan pagdangog.
Pigsuhestiyon man kan kampo ni Duterte na suspendihon an access kan mga representantes sa mga record kan kaso tanganing malikayan an posibleng pagkapot sa mga materyales na pwedeng makapagpawarang-sala sa dating Presidente.
Siring man, pigsuhestiyon kan depensa na an Office of Public Counsel for Victims na lamang sa interes kan mga biktima tanganing malikayan an pagkaantala sa pagdangog para sa confirmation of charges.
