Naglangkaw na sa 76 an bilang kan mga nagadan, mantang 13 pa an nawawara asin 43 an nakaligtas, sa insidente kan pagkasulo kan pampasaherong barko na MV June Aster sa kadagatan kan Coron, Palawan kan Setyembre 9, 2026.
Segun sa opisyal na manifesto, igwang total na 134 katawo an sakay kan barko, na binibilog nin 117 pasahero asin 17 crew.
Ipinagbareta kan Philippine Coast Guard (PCG) na nakarekober an mga rescue team nin dugang na 41 bangkay kan Sabado nin banggi, na idinala sa pantalan kan Coron.
An MV June Aster, na pagsasadiri kan Atienza Interisland Shipping Lines, naghale sa Baseco, Maynila asin pasiring kuta sa Coron kan mangyari an insidente.
Padagos pa an search and rescue operations para sa mga nawawara.
Kasabay kaini, padagos man an imbestigasyon tanganing maaraman an kawsa kan kalayo asin iba pang detalye kan insidente.
