Pig-inkaminar na kan Bureau of Customs (BOC) an mga dokumento kan maysadiri kan mga luxury cars na sainda soboot ipinuslit sa nasyon. Sigun sa BOC na saindang pigtawan nin tyansa an mga may-sadiri kan labi na 30 mga mamamahalon na lunadan na magpahiling nin mga legal na dokumento.
Marurumdumang nilusob kan BOC-Customs Intelligence and Investigation Service (CIIS) an duwang bodega sa syudad kan Pasay asin Paranaque kun saen tumambad sa sainda an mga mamahalon na lunadan na kinakarkulong maabot sa kabilogang P1.4-bilyon.
Sinabi pa ni BOC CIIS Port of Manila Chief Joel Pinawin na may nagkapirang mga dayuhan an saindang naabutan kun saen an nagkapirang lunadan an igwa nin plaka mantang mayo man an iba.
Pigsierto man ni BOC Commissioner Bienvenido Rubio na enkaso dae nakapagtao nin mga dokumento nin hasta sa 15 aldaw an mga may-sadiri, maatubang an mga ini nin karampatang kaso asin saindang kukumpiskahon an nasambitan ng mga lunadan.
