Pigpatanidan kan China an Estados Unidos na preparado sinda na hampangon sa anuman na klase kan giyera.
Sigun ki Chinese Premier Li Qiang, na gabos nin klase kan giyera magin tariff war, trade war an lalabanan ninda ini hasta sa huri.
Katakod man ini kan pig-anunsyar kaini na saindang lalangkawan an defence spending nin hasta 7.2 percent.
Mawot ninda ipahiling na igwa nin huma kan trade war sa US, dae pa man naaapektaran an saindang ekonomiya.
Dagos-dagos man an saindang pag-eenkaminar sa mga foreign investor sa saindang nasyon kaya dae sinda nahahadit sa trade war kan Estados Unidos.
Marurumdoman, pigpatawan kan Estados Unidos nin 20 percent na taripa an mga produkto kan China na pigpapabakal sa Estados Unidos mantang sa Canada asin Mexico an igwa nin 25 percent na pataw na taripa.
