Nagtiripon sa opisina kan Land Transportation Franchising and Regulatory Board (LTFRB) tangani magpahiling nin suporta sa ahensya para sa pagpapadagos kan Public Transport Modernization Program (PTMP).
Kabali sa mga grupong nagtiripon digde iyo an mga grupo kan Pasang Masda, ALTODAP, ACTO, Busina, asin man CURODA na nagsasabing tugot sinda sa modernisasyon kan mga pampasaherong jeep.
Ini man an mga grupong dae nagbabali sa strike na inorganisar kan Manibela na iyong nag puon kan nakalihis na aldaw asin man mapadagos hasta sa Miyerkules, Marso 26.
Sigun sa National President kan Pasang Masda na si Obet Martin, mas marahay na makipagkoordinar sa mga opisyal sa transportation agencies tangani makapagsirbi soboot an transport sector sa mga mananakay.
Sa paagi soboot kan pagigin constructive sense mahihiling na dapat pig iinot an ikakamaray kan mga commuters asin man makapagserbisyo nin marahay sa mga dapat na serbisyuhan ninda.
Mientrastanto, pinasalamatan man ni LTFRB Chairperson Teofilo Guadiz an mga nagsusuporta sa inisyatibong ini kan saindang ahensya para sa mas pakarhay na transportation sector.
