Sinimbagan kan Philippine National Police (PNP) an mga nagin pahayag ni Sen. Imee Marcos na posible soboot sunadan nin kaso si PNP Chief PGen. Rommel Francisco Marbil asin magin si Criminal Investigation and Detection Group (CIDG) Chief MGen. Nicolas Torre III katakod pa man sa nagin pag arestar ki dating Presidente Rodrigo Roa Duterte na iyong presenteng pinag-uulayan sa Committee on Foreign Relations ng Senado.
Sa sarong pulong balitaan, inihayag ni PRO III asin man PNP Spokesperson PBGen. Jean Fajardo na andam an mga hepe na atubangon an dawa na ano man na criminal asin administrative cases na posibleng isunad ni Sen. Marcos kontra sa sainda sa dawa ano man na proper forum.
Kasunod kaini an liwat tawan duon ni Fajardo na an sulamenteng ginampanan sana kan PNP sa pagarestar sa dating Presidente iyo an pagaabot kan assistance sa Philippine Center on Transnational Crime (PCTC) para sa implementasyon nin red fusion notice para ki dating Presidente Duterte.
Sinaysay pa ni Fajardo, nagtutubod an mga hepe na an saindang mga nagin hiro sa nagin pagrestar sa dating opisyal an basado asin naaayon sa ley asin nagsasairarom pa man sa saindang sinumpaang mandato komo parte kan organisayon kan PNP.
Mientrastanto, marurumduman man na naenot nang inihayag ni Senadora Marcos na posibleng political motive asin man politically inclined an nagin pagaretsar sa dating Presidente.
Sa ngunyan padagos man na tinatalakay sa komite an mga nagin gamapanin kan PNP asin kan CIDG sa nagin proseso kan pagarestar sa dating opisyal asin kun nag agi sinda sa tama asin legal na proseso.
