Pighali sa serbisyo an dae mababa sa 1,000 mga pulis huli sa mga pagbalgar asin misconduct puon pa kan nakalihis na taong 2024 sigun sa Philippine National Police (PNP).
Basado sa naging datos kan PNP, puon Abril kan nakalihis na taon hasta Abril 23 kan presenteng taon, nasa kabilogang 1,288 na numero kan mga pulis an tinanggal na sa serbisyo, matang 172 man an mga na-demote asin 1,456 man an mga pinatawan nin suspensyon asin mga disciplinary actions.
An mga datos na ini an katakod na man sa nagin diektiba ni Presidente Ferdinand Marcos Jr. na dae dapat pigkokunsinti an mga siring na klase kan gibuhon orog na an mga pulis na mapang-abuso sa saindang mga posisyon.
Mientrastanto, katakod kaini, tinawan-duon man ni PNP Chief PGen. Rommel Francisco Marbil na an mga lakdang na ini an patunay sana na pigmamantinir asin prayoridad kan saindang lado an pagkakaigwa nin disiplina asin pagtataguyod nin tiwala kan publiko na dae ninda aabusuhon an mga salang gibuhon.
